Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 633 Hüküm no: 804 Orijinal metin no: [98a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yanaki v. Kosta’nın, boyacılıkla ilgili malzemelerini Drako, Kostantin ve Santar’a sattığı Mahmiye-i İstanbul’da boyacı tâifesinden Yanaki v. Kosta nâm zimmî meclis-i şer‘-i şerîfde tâife-i mezbûreden Drako v. Polihroni ve Kostantin v. Yani ve Santar v. Yani nâm zimmîler muvâcehesinde bi’t-tav‘i’s-sâf ikrâr ve i‘tirâf edip bey‘-i âti’z-zikrin sudûruna değin yedimde mülküm ve hakkım olup mahmiye-i mezbûrda merhûm Köprülü Mehmed Paşa türbesi kurbunda merhûm-ı merkūmun vakfından olup silahdâr ağası Mustafa Ağa veresesi tasarruflarında olan boyacı dükkânı içinde mevcûd dört kazan ve bir kepçe ve bir tencere ve sahan ve bir tava ve üç kantar ve bir güğüm ve üç küp ve on beş fıçı ve bir dolap ve bir mermer dibek ve bir balta ve iki keser ve sâir beynimizde ma‘lûme boyacı tâifesine mahsûsa âlât-ı lâzımeyi tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile ale’l-iştirâki’s-seviy mezbûrûn Drako ve Kostantin ve Santar bi safkatin vâhidetin üç yüz kırk kıt‘a esedî guruşa bey‘ ve teslîm edip anlar dahi vech-i muharrer üzre iştirâ ve kabûl ve kabz ve tesellüm eylediklerinden sonra semenleri olan meblağ-ı mezkûr üç yüz kırk kıt‘a esedî guruşun seksen altışar tamâm ve ikişer sülüs esedî guruşunu mezbûrûn Drako ve Kostantin ve Santar’ın yedlerinden tamâmen alıp kabz eyledim ba‘de’l-yevm eşyâ-i mezkûra merkūmûn Drako ve Kostantin ve Santar’ın eslâsen mülk-i müşterâları olup benim kat‘an eşyâ-i mezkûrede ve semenlerinde alâka ve medhalim kalmamışdır dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî aşer min Recebi’l-ferd li sene seb‘a ve seb‘în ve elf. Şuhûdü’l-hâl: Mustafa Çelebi b. Veli, Mehmed Çavuş b. Fahreddin, Mehmed Çelebi b. Abdullah, İbrahim Çelebi b. Ahmed.