Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 534 Hüküm no: 677 Orijinal metin no: [128a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiracısı olduğu dükkanı tahliyesi için Ermeni Delot’a tenbihte bulunulduğu Ma‘rûz. Arzuhâl eden Yasef Yahûdi meclis-i şer‘de derûn-ı arzuhâlde mezkûr çukacı dükkânında müşâhereten müstecir olan Delot nâm Ermeni muvâcehesinde dükkân-ı mezkûr sa‘âdetlü semâhatlü vezîr-i mükerrem Mehmed Paşa hazretlerinin tasarruflarında olmağın taraflarından umûrlarına kethüdâları olmağla vekîl-i şer‘îleri el-Hâc Osman Ağa dükkân-ı mezkûru fermân-ı âlî ile mazmûn işbu temessük nâtık olduğu üzere [bin] yüz kırk üç senesi Şa‘bânı’nın gurresinden ber-vech-i muharrer bana îcâr etmekle gurre-i mezkûrede tahliyye ve bana teslîm etmek üzere mezbûr Delot’a tenbîh olunması matlûbumdur deyü da‘vâ ve mezbûr Delot ikrâr u i‘tirâf etmeğin mûcebince dükkân-ı mezkûru gurre-i merkūmede tahliyye ve merkūm Yasef’e teslîme mezbûr Delot’a tenbîh olunduğu huzûr-ı âlîlerine i‘lâm olundu. Fermân men-lehü’l-emrindir. Fî 24 min-Recebi’l-ferd sene [1]143.