Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 539 Hüküm no: 687 Orijinal metin no: [129b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İlbasan kalesi eski ve yeni dizdarının herhangi bir anlaşmazlığının olmadığı Ma‘rûz. Vilâyet-i Rumeli’nde vâki‘ medîne-i İlbasan ahâlîsinden olup işbu sene-i mübârekede hacc-ı şerîfe azîmet eden Şeyh Davud Efendi b. Abdullah ve Molla Eyüb b. Hüseyin ve Hasan b. Murad nâm kimesneler Bâb Mahkemesi’nde medîne-i mezbûre kal‘asının bâ-berât-ı âlîşân hâlâ dizdârı olan işbu hâzır bi’l-meclis Mustafa b. Hasan ile sâbıkā dizdâr olan işbu Hendek İbrahim b. Hasan beynlerinde dizdârlık husûsunda nizâ‘ vukū‘unu her biri ihbâr ettiklerinden sonra merkūm Hendek İbrahim meclis-i şer‘de zikrolunan dizdârlık hâlâ berât-ı âlîşân ile mezbûr Mustafa b. Hasan’ın tasarrufunda olup husûs-ı mezkûra müte‘allika mezbûr dizdâr Mustafa ile vechen mine’l-vücûh ve sebeben mine’l-esbâb da‘vâ ve nizâ‘ ve husûmetim yokdur deyü ikrâr ve takrîr eylediği tescîl ve bi’l-iltimâs huzûr-ı âlîlerine i‘lâm olundu. Hurrire fî-13 min-Receb sene [1]143.