Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 542 Hüküm no: 693 Orijinal metin no: [130b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuru kahve ve alacak davasından zimmet ibrası Ma‘rûz. Ashâb-ı arzuhâl İbrahim ve Mehmed ve Osman ve Veli nâm kimesneler meclis-i şer‘-i şerîfde hasımları olup sâbıkā tahmîs emîni olan Ahmed Ağa’dan mezbûr İbrahim otuz vakıyye kahve ve mezbûr Mehmed kırk vakıyye kahve ve mezbûr Osman sekiz vakıyye kahve mezbûr Veli dahi nakd elli guruşunu gāib ani’l-meclis kethüdâsı Hasan b. Ahmed nâm kimesne yediyle bi-tarîkı’r-rüşve def‘ ve teslîm etmişidik deyü tasaddî eyledikleri da‘vâlarından fâriğ ve husûs-ı mezkûra müte‘allika âmme-i da‘vâdan mezbûr Ahmed Ağa’nın ve gāib ani’l-meclis mezbûr Hasan’ın zimmetini ibrâ ve iskāt eyledikleri ba‘de’t-tescîl huzûr-ı âlîlerine i‘lâm olundu. Fermân hazret-i veliyyü’l-emrindir. Fî 20 Recebi’l-ferd sene [1]143.