Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 546 Hüküm no: 701 Orijinal metin no: [131b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atpazarı’ndaki hergele miyancılığının eski usûlle devam etmesi talebi Ma‘rûz. Derûn-ı telhîsde mezkûre Atpazarı’nda vâki‘ hergele miyâncılığı derûn-ı derkenârda mezkûr bundan akdem sekiz nefer ma‘lûmü’l-esâmî kimesneler tasarruflarında olup ücret-i kalîle ile hüccet [cihet-i] ma‘âşları iken âhara mâlikâne üzerine berât olunup mezbûrlara ol vechile gadr-ı küllî olunmağla zikrolunan mâlikâne muhdesâtdan olup hatt-ı hümâyûn şevket-makrûn ile ref‘ ve berâtı mahalli terkīn olunmağın hâlâ canbazlar kethüdâsı el-Hâcı Ahmed ve yiğitbaşıları Mahmud ve erbâbından ma‘lûmü’l-esâmî on beş nefer kimesneler zikrolunan miyâncılık ber-vech-i muharrer ücret-i kalîle ile cihet-i ma‘âşları’çün kadîmden olageldiği üzere kemâ-kân mezbûrûn sekiz nefer kimesnelere ibkā buyrulmak ricâsında oldukları huzûru âlîlerine i‘lâm olundu. Gurre-i Şa‘bân sene 1143.