Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 549 Hüküm no: 708 Orijinal metin no: [132b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako’ya olan borcunu ödemesi için Yuda v. Hayim’e tenbih olunduğu Ma‘rûz. Mumcu Süleyman Beşe kulları mübâşeretiyle Bâb Mahkemesi’ne ihzâr olunan Yuda v. Hayim Yahûdi’den hasmı olup Balat’da Karabaş Mahallesi’nde sâkin Yako Yahûdi meclis-i şer‘de bundan akdem mâlımdan mezbûr Yako’ya bi’d-defa‘ât ikrâz ve teslîm ol dahi yedimden iktirâz ve tesellüm ve kabz ve istihlâk eylediği meblağı dört gün mukaddem lede’ş-şuhûd hesâb eylediğimizde mezbûr zimmetinde yüz seksen beş guruş hakkım zuhûr ve meblağ-ı mezbûr ücret-i karzdan zimmetinde bana edâsı lâzım deyni olduğu ber-vech-i muharrer ikrâr ve işhâd etmeğin taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını beynlerinde adl idiği şer‘an müte‘ayyin olan Yahûdiler Kethüdâ Mosi v. Yuda ve diğer Mosi [v.] Merdhini nâm Yahûdiler ile isbât etmeğin mûcebince meblağ-ı mezbûr yüz seksen beş guruşu müdde‘î-i mezbûra edâya ve teslîme merkū[m] Yuda Yahûdi’ye tenbîh olunduğu huzûru âlîlerine i‘lâm olundu. Fî 7 min-Şa‘bân sene 1143.