Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 554 Hüküm no: 719 Orijinal metin no: [134a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Osman’ın vefâtından sonra cariyesi Meryem’in azat olacağı Ma‘rûz-ı dâ‘î-i devlet-i aliyyeleridir ki; Derûn-ı arzuhâlde mezkûre kendi nefsinden tâ‘bire kādire tahmînen on iki yaşında Meryem nâm mürâhika-i Müslime’nin anası sâhibe-i arzuhâl <> Telli nâm Nasrâniye hâzıra olduğu hâlde rık olmak üzere kendiye vaz‘-ı yed eden el-Hâc Osman mahzarında gāib ani’l-meclis Veli nâm kimesne bundan akdem yedinde câriye-i memlûkesi olduğum hâlde beni mâlından tahrîr ve i‘tâk edip ben hürre olmuş iken mezbûr el-Hâc Osman rık olmak üzere bana bi-gayr-ı hakkın vaz‘-ı yed eder deyü da‘vâ, mezbûr el-Hâc Osman cevâbında mezbûre Meryem’i gāib-i merkūm Veli’den câriye-i memlûkesi olmak üzere üç yüz guruş semen-i medfû‘ ve makbûza iştirâ etmişidim ber-vech-i muharrer hürre olduğu ma‘lûmum değildir deyücek medîne-i [müdde‘iyye-i] mezbûre müdde‘âsını isbâtdan izhâ[r]-ı acz etmeğin mezbûr el-Hâc Osman meclis-i şer‘de mezbûre Meryem’[i] tedbîr-i mutlak ile müdebbere eylediği tescîl ve bi’l-iltimâs huzûr-ı âlîlerine i‘lâm olundu. Fî 18 Şa‘bân sene 1143.