Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 558 Hüküm no: 726 Orijinal metin no: [135a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed seferde iken başkasıyla nikahlanan karısı Emetullah Hatun’u talebi Ma‘rûz. Sâhib-i arzuhâl Mehmed Kapıkethüdâsı mübâşeretiyle hasmı diğer Mehmed nâm kimesne meclis-i şer‘a ihzâr mezbûr diğer Mehmed ben dört sene mukaddem şark cânibinde seferde iken şimdi geldiğimde işbu hâzıratün bi’l-meclis zevce-i menkûham Emetullah Hatun’u zabt ve zevciyyet mu‘âmelesi etmekle suâl olunup tefrîkine hüküm zevcem mezbûre Emetullah üzerinden yed-i mübtilesi kasr ve izâle olunması matlûbumdur deyü ba‘de’d-da‘vâ mezbûr diğer Mehmed cevâbında târih-i i‘lâmdan üç sene mukaddem huzûr-ı Müslimînde otuz guruş mehr-i müeccel-i müsemmâ ile tezvîc eylemişidim hâlâ menkûha-i medhûlümdür müdde‘î-i merkūmun zevc-i evveli olup nikâh beynlerinde kāim olduğu ma‘lûmum değildir deyü def‘le mukābele edicek müdde‘î-i mezbûr Mehmed Beşe da‘vâsını şuhûd-ı udûl ile ba‘de’l-isbât mezbûre Emetullah Hatun dahi zevc-i evveli olup müdde‘î-i mezbûr Mehmed’in zevce-i menkûhası olduğunu dahi ikrâr etmeğin mûcebince tefrîkine şer‘an hükmolunup kasr-ı yedine tenbîh olunduğu huzûr-ı âlîlerine i‘lâm olundu. Fî 14 [Şa‘bân] sene 1143.