Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 559 Hüküm no: 727 Orijinal metin no: [135a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bali’nin karısını ölmeden önce azat edip evlendiğinin anlaşıldığı Bâ-mühr-i hazret-i efendi. Ma‘rûz. Arzuhâl eden Havvâ Hatun derûn-ı arzuhâlde ismi mastûr müteveffâ oğlu Ali Bâli’nin mu‘taka câriyesi Hadice muvâcehesinde merkūme Hadice oğlum mezbûrun memlûke-i câriyesi olup ba‘de vefâtihi irsen bana intikāl eyledi deyü da‘vâ ve istirkāk eyledikde ol dahi cevâbında merkūme Havvâ Hatun’a kādı-ı sâbık merhûm Ebûbekir Efendi huzûrlarında bir def‘a dahi ıtkını inkâr edip istirkāk murâd eylediğinde ben dahi yedimde olan işbu hüccet-i şer‘iyye ve i‘lâm mantûkunca oğlu müteveffâ-i mezbûr hayâtında beni i‘tâk ve nefsine tezvîc eyledi deyü def‘le mukābele ve def‘imi Sefer b. Kara? şehâdetlerine muvâcehesinde isbât etmişidim deyü def‘ine mutâbık hüccet-i şer‘iyye ve i‘lâm ibrâz ve mazmûnu huzûr-ı âlîlerinde ma‘kūde meclis-i şer‘de şuhûd-ı udûl ile isbât etmekle merkūme Havvâ Hatun bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 12 [Şa‘bân] sene 1143.