Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 559 Hüküm no: 728 Orijinal metin no: [135a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Sâhib-i arzuhâl ma‘lûmü’l-esâmî cemm-i gafîr Müslimîn ve gāibûn ani’l-meclis ma‘lûmü’l-esâmî ve’l-eşhâs taraflarından vekîlleri olan Hüseyin b. İbrahim meclis-i şer‘de ber-vech-i mâlikâne Bolu voyvodası Yusuf Bey tarafından sâbitü’l-vekâle vekîli olan Mustafa Efendi ile derûn-ı arzuhâlde mezkûr üç bin beş yüz guruş da‘vâsından muslihûn tavassutuyla an-inkâr bin otuz guruş bedel-i makbûza sulh olup mâ‘adâya müte‘allika âmme-i da‘vâdan müvekkil-i mûmâ-ileyh ile zikrolunan mâlikânede şerîkleri olan Ahmed Bey ve Salih Bey’in zimmetlerini ibrâ ve iskāt edip kat‘[-ı nizâ‘] ettikleri tescîl ve huzûr-ı âlîlerine i‘lâm olundu. Fî 21 [Şa‘bân] sene 1143.