Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 560 Hüküm no: 729 Orijinal metin no: [135b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşçı, kebabçı ve şerbetçi esnafının kethüdası olan Molla Osman’ın görevinde bırakılması talebi Ma‘rûz. Ashâb-ı arzuhâl İstanbul ve tevâbi‘inde vâki‘ aşçı ve kebabçı ve şerbetçi hırfeti erbâbından el-Hâc Yusuf b. Abdullah ve Hasan b. İbrahim ve el-Hâc Mehmed b. Mustafa ve diğer Hasan b. İbrahim ve Hüseyin Beşe b. Mehmed ve Süleyman b. Mehmed ve Korucu Mehmed nâm kimesneler ile sâir müseccelü’l-esâmî cemm-i gafîr ve cem‘-i kesîr kimesneler meclis-i şer‘de sâbıkā kethüdâları olup derûn-ı arzuhâlde mastûrü’l-ism olan hâzır bi’l-meclis es-Seyyid Mustafa muvâcehesinde mezbûr es-Seyyid Mustafa’nın kethüdâlığı hâlinde kendinin envâ‘-ı te‘addî ve tecâvüzünden mutazarrır olup bundan azlini iltimâs ve ref‘inden hâlâ kethüdâmız olan Molla Osman’ın min-külli’l-vücûh evzâ‘ ve etvârından hoşnûd ve râzılarız kethüdâlık-ı mezbûr Molla Osman kullarının üzerinde olmağla kemâ-kân kethüdâlık ibkā ve mukarrer buyrulmak bâbında fermân-ı âlî ricâsında oldukları huzûr-ı âlîlerine i‘lâm olundu. Fî 23 Şa‘bân sene 1143.