Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 562 Hüküm no: 734 Orijinal metin no: [136a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında getirilen şahitlerin kabul edilmediği Ma‘rûz. Arzuhâl eden Agop zimmînin hasmı olup derûn-ı arzuhâlde mastûrü’l-ism Aci Yasef nâm zimmî merkūm Agop’un karındaşı olup bundan akdem hâlik olan Argiya zimmetinde yedimde olan hüccet-i şer‘iyyeler mantûkunca dokuz yüz otuz sekiz guruş hükm-i şer‘de hak olmuş hakkım olup bundan akdem terekesinden iki yüz guruş kabz ve istîfâ eyledim mâ‘adâ yedi yüz otuz guruş hakkım zimmetinde kalıp karındaşı merkūm Agop’un zimmetinde hâlik-i merkūmun dokuz yüz seksen sekiz buçuk guruşu olmağla yedi yüz otuz guruşu taleb ederim deyü da‘vâ olunup ol mikdâr guruş kabz, inkâr eyledikde merkūm Aci Yasef müdde‘âsına ikāmet eylediği mukırr-ı mür[â]hiki te‘addîleri tezkiye olundukda mecrûh olmağla şâhid-i âhar taleb olundukda ikāmetden izhâr-ı acz edip yemîni dahi …? merkūm Aci Yasef bilâ-beyyine bî-vech mu‘ârazadan men‘ olunmuşdur. Fî 25 min-Şa‘bân sene 1143.