Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 565 Hüküm no: 743 Orijinal metin no: [137a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh Ma‘rûz. Vilâyet-i Anadolu’da Bolu sancağında Yılanlıca kazâsına tâbi‘ Gökceğiz nâm karye sâkinelerinden olup İstanbul’da müsâfiren sâkine Fâtıma bt. Halil nâm hatun meclis-i şer‘de zikrolunan Bolu voyvodası Yusuf Ağa tarafından sâbitü’l-vekâle vekîli Hasan Bey b. Abdullah ile gāib ani’l-meclis Mehmed nâm hizmetkârı yediyle mûmâ-ileyh Yusuf Ağa bi-gayr-ı hakkın otuz guruşumu ahz u kabz etmişidi deyü ba‘de’d-da‘vâ ve’l-inkâr muslihûn tavassutuyla mezbûre Fâtıma da‘vâ-yı mezkûresinden on dört guruş bedel-i makbûza sulh ve husûs-ı mezkûra müte‘allika âmme-i da‘vâdan her biri âharı ibrâ ve iskāt ve kat‘-ı nizâ‘ ettikleri Bâb Mahkemesi’nde tescîl ve huzûr-ı âlîlerine i‘lâm olundu. Fî 9 N sene 1143.