Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 566 Hüküm no: 745 Orijinal metin no: [137b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin Bolu voyvodası Yusuf Ağa’ya açtığı davadan men olunduğu Ma‘rûz. Vilâyet-i Anadolu’da Samakov kazâsına tâbi‘ Kasaplar nâm karyede sâkin Ahmed Beşe b. Hüseyin meclis-i şer‘de hasmı Bolu voyvodası Yusuf Ağa b. Ahmed[‘in] vekîl-i sâbitü’l-vekâlesi Mehmed b. Ali mahzarında bundan akdem mezbûr Yusuf Ağa’nın hizmetinde olan bölükbaşısı <> gāib ani’l-meclis Hasan b. Abdullah nâm kimesne bi-gayr-ı hakkın on beş guruşumu yedimden ahz u kabz etmekle meblağ-ı mezbûru etbağından [etbâ‘ından] olmağla müvekkil-i mezbûrdan taleb ederim deyü da‘vâ eyledikde müdde‘î-i mezbûrun takrîri üzere müvekkil-i mûmâ-ileyh Yusuf Ağa’ya suâl tevcîh etmemekle bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 Ramazan sene 1143.