Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 567 Hüküm no: 748 Orijinal metin no: [137b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Para gaspı davasında sulh Ma‘rûz. Mumcu Mustafa Beşe mübâşeretiyle ihzâr-ı şer‘ olunan Avram ve Saval nâm Yahûdilerin hasmı olup ekmekçi tâifesinden Bedros nâm mürâhik meclis-i şer‘de mezbûrân Yahûdiler târih-i kitâb günü Gül Câmi‘-i şerîfi kurbünde vâki‘ sagīr ekmekçi fırınına gelip akçe tebdîli için ta‘dâd esnâsında üç aded zincirli altın ile on bir guruşluk paramı beynlerinde sirka eylediler deyü da‘vâya tasaddî ve ba‘de vukū‘ı’l-münâza‘a mezbûrân Yahûdiler ile beni an-inkâr on guruş üzerine sulh eylediklerinde mâ‘adâya müte‘allika mezbûrân Avram ve Saval Yahûdilerin zimmetlerini ibrâ eylediği ba‘de’t-tescîl huzûr-ı âlîlerine i‘lâm olundu. Fî 11 [Ramazan] sene 1143.