Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 568 Hüküm no: 751 Orijinal metin no: [138a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsızlık davasıda tezvir olabileceğinden dikkate alınmadığı Ma‘rûz. Sâhib-i arzuhâl el-Hâc Şa‘ban meclis-i şer‘de sâbıkā hizmetkârı Lütfullah nâm tâze oğlan mezbûr Lütfullah ancak iki [sene] hizmetimde olmağın mezbûru sünnet ve bi-şartü’r-rücû‘ emriyle umûruna mâlımdan elli guruş harc ve sarf eylediğimden gayrı kırk guruş kıymetli bir pandol sa‘atimi ahz u kabz etmişdir taleb ederim deyü da‘vâya tasaddî eylediğinde mezbûr Lütfullah inkâr edip bu makūle tâze oğlan üzerine olan da‘vâda tezvîr fehmolunmağın iltifât olunmadığı huzûr-ı âlîlerine i‘lâm olundu. Fî 15 N sene 1143.