Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 569 Hüküm no: 752 Orijinal metin no: [138a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi için es-Seyyid Ali’ye tenbih Ma‘rûz. Sâhibe-i arzuhâl Emine Hatun sâbıkā dâmâdı es-Seyyid Ali’den kırk Mısrî zincirli altın ve yirmi beş guruş cihet-i karzdan zimmetinde hakkım olmağla taleb ederim deyü da‘vâ eyledikde mezbûr es-Seyyid Ali müdde‘iyye-i mezbûre Emine Hatun’a cihet-i karzdan kırk Mısrî zincirli altın ve yirmi guruş zimmetinde deyni olduğunu ikrâr ziyâde beş guruşu inkâr edicek ziyâde-i mezkûre için müdde‘iyye-i mezbûre isbâta havâle olunup ikrârı mûcebince meblağ-ı mezbûr kırk zincirli altın ile yirmi guruşu müdde‘iyye-i mezbûreye edâ ve teslîme mezbûr es-Seyyid Ali’ye tenbîh olunduğu huzûr-ı âlîlerine i‘lâm olundu. Fî 15 Ramazan sene 1143.