Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 569 Hüküm no: 753 Orijinal metin no: [138b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Sâhibe-i arzuhâl Hanife Hatun meclis-i şer‘de hasmı Abdullah Bey’den müteveffâ babam Hammâmî Mehmed nâm kimesneden irsen intikāl eden derûn-ı arzuhâlde mezkûr yüz altmış guruş hakkım vardır deyü da‘vâ eyledikde mezbûr Abdullah Bey dahi cevâbında müdde‘iyye-i mezbûre bin yüz otuz iki senesinde husûs-ı mezbûru vâlidesi işbu Âişe Hatun ile benden da‘vâ ve kırk guruş bedel-i medfû‘ ve makbûza sulh ve mâ‘adâdan zimmetimi ibrâ ve iskāt etmişleridi deyü def‘ ve def‘-i mezkûrunu iki nefer kimesne ile ba‘de’l-isbât ve’t-tezkiye vesâtet-i muslihîn ile on yedi guruş bedel-i makbûza sulh ve mezbûr Abdullah Bey’in zimmetini ibrâ ve iskāt eyledikleri bi’l-iltimâs huzûr-ı âlîlerine i‘lâm olundu. Fî 14 Ramazan sene 1143.