Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 569 Hüküm no: 754 Orijinal metin no: [138b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mustafa’nın imam ve hatip tayini talebi Ma‘rûz. Sâhib-i arzuhâl Molla Mustafa derûn-ı derkenârda mezkûr olduğu üzere Balıkesrî kasabasında Hacı Ali Câmi‘i hatîbi ve Fâtıma Hatun Mescidi imâmı iken vefât eden el-Hâc Mehmed’in sulbî oğludur deyü kasaba-i mezbûre ahâlîsinden Bahçevanoğlu Mehmed Beşe b. Mustafa ve Mustafa b. Süleyman ve Salih b. Mustafa nâm kimesnelerden her biri alâ-tarîkı’ş-şehâde ihbâr edip mezbûr Molla Mustafa babası fevtinde sagīr bulunmağla cihetleri âhara tevcîh olunmağın ciheteyn-i mezkûreteyn babası fevtinden ve hâlâ mutasarrıf olan İsmail ve Salih ref‘lerinden kendiye tevcîh ve ihsân ricâsında olduğu huzûr-ı âlîlerine i‘lâm olundu. Fî 15 N sene 1143.