Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 570 Hüküm no: 755 Orijinal metin no: [138b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aldığı parayı iadesi için el-Hâc Süleyman Ağa’nın tenbih olunduğu Bâ-mühr-i hazret-i efendi. Ma‘rûz. Arzuhâl eden el-Hâc Abdullah Ağa derûn-ı arzuhâlde mastûrü’l-ism Gedikli Süleyman Ağa’dan işbu sene-i mübârekede Zile voyvodalığı uhde-i iltizâmında olmağla Zile voyvodalığı aklâmından perâkende ve bâd-ı havâsını sekiz yüz guruşa bana ilzâm benden [ben dahi] iltizâm eylediğimden sonra meblağ-ı mezbûru yedimden kabz edip ben dahi perâkende ve bâd-ı havâya henüz vaz‘-ı yed etmeden fitne zuhûr etmekle zabtı müyesser olmamağın mezbûr Süleyman Ağa yedinden makbûzu olan sekiz yüz guruşu bana red ve teslîm eylesin deyü da‘vâ eyledikde ol dahi ancak vech-i mukarrer üzere müdde‘î-i mezbûr el-Hâc Abdullah Ağa’dan yedi yüz elli guruş bi-gayr-ı hakkın kabzını ikrâr edip ziyâde elli guruşu inkâr etmekle ikrâr-ı mertebesi yedi yüz elli guruşu müdde‘î-i mezbûr el-Hâc Abdullah Ağa’ya red ve teslîme mezbûr Süleyman Ağa’ya ba‘de’t-tenbîh mezbûr el-Hâc Abdullah Ağa dahi ziyâde müdde‘âsı olan elli guruşu isbâta havâle olunduğu huzûr-ı âlîlerine i‘lâm olundu. Fî 15 N sene [1]143.