Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 572 Hüküm no: 758 Orijinal metin no: [139a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Anadolu’da Zerzene kazâsına tâbi‘ Çanşa dîvânı ahâlîsinden Tophane’de müsâfiren sâkin Mehmed Beşe meclis-i şer‘de Bolu voyvodası Yusuf Ağa tarafından sâbitü’l-vekâlesi Osman Bey mahzarında müvekkil-i mezbûr bir husûs için bi-gayr-ı hakkın beş yüz elli guruşumu ahz u kabz etmişidi deyü ba‘de’d-da‘vâ ve’l-isbât vesâtet-i muslihîn ile da‘vâ-yı mezkûremden yüz elli guruş bedel-i makbûza müvekkil-i mezbûr Yusuf Ağa ile sulh ve mâ‘adâya müte‘allika da‘vâdan zimmetini ibrâ ve iskāt eylediğimde ol dahi bedel-i sulh-ı mezkûra müte‘allika da‘vâdan zimmetimi ibrâ eyledi deyü takrîr ve tasdîkı tescîl ve mübâşirleri Mehmed Çavuş kulları iltimâsıyla huzûr-ı âlîlerine i‘lâm olundu. El-emru li-men-lehü’l-emr. Fî 11 min-L sene [1]143.