Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 572 Hüküm no: 759 Orijinal metin no: [139a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Anadolu’da Küre? kazâsına tâbi‘ Süleler karyesi ahâlîsinden olup İstanbul’da Yedikule kurbünde Mirâhor Mahallesi’nde müsâfiren sâkin Süleyman Beşe b. Ali meclis-i şer‘de Bolu Voyvodası Yusuf Ağa tarafından vekîl-i sâbitü’l-vekâlesi Osman Bey mahzarında mü[v]ekkil-i mezbûr Yusuf Ağa babam mezbûr Ali’yi salb edip bi-gayr-ı hakkın nakd yüz altmış guruşum ile üç yüz guruş kıymetli Rusiyyü’l-asl İvaz nâm gulâmımı ahz u kabz etmişidi deyü da‘vâ ol dahi ba‘de’l-inkâr vesâtet-i muslihîn ile da‘vâ-yı mezkûremden yetmiş yedi guruş bedel-i makbûza sulh ve âmme-i da‘vâdan mü[v]ekkil-i mezbûrun zimmetini ibrâ ve iskāt eylediğimde ol dahi bedel-i sulh-ı mezkûra müte‘allika da‘vâdan benim zimmetimi ibrâ eyledi deyü takrîr ve vekîl-i mezbûr dahi tasdîk eylediği tescîl ve mübâşirleri Mehmed Çavuş kulları iltimâsıyla huzûr-ı âlîlerine i‘lâm olundu. Fî 11 Şevvâl sene 1143.