Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 572 Hüküm no: 760 Orijinal metin no: [139b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayacık köyü halkının mukataa mültezimi el-Hâc İbrahim Ağa’nın adamlarına açtıkları davadan vazgeçtikleri Bâ-mühr-i hazret-i efendi. Ma‘rûz. Vilâyet-i Anadolu’da Saruhan sancağında Kayacık nâm karye tevâbi‘i mukāta‘ası ahâlîsinden olup İstanbul’da müsâfiren sâkin Hamza b. Mahmud ve es-Seyyid Halil b. Hasan ve Mehmed b. Hüseyin ve İbrahim b. Ahmed ve Ali b. Musa ve Halil b. Ali ve Mustafa b. İbrahim ve Halil b. Hamza nâm kimesneler meclis-i şer‘de mukāta‘a-i mezbûra ber-vech-i mâlikâne mutasarrıf olan ser-mehterân-ı hayme el-Hâc Abdullah Ağa tarafından mültezimi olan el-Hâc İbrahim’in etbâ‘ından Bayrakdâr Yusuf b. Ahmed ve İsmail b. Turgud mahzarlarında merkūm İbrahim Ağa’dan Dîvân-ı âlî’ye teşekkîye gelir iken merkūmân Yusuf ve İsmail esnâ-yı tarîkde bizi ahz ü habs ve yüz guruşumuzu bi-gayr-ı hakkın yedimizden gasben ahz u kabz etmişleridi deyü da‘vâ sadedinde olmuşduk el-hâletü hâzihî da‘vâ-yı mezkûremizden fâriğ olup ve merkūmân Bayrakdâr Yusuf ve İsmail’in ve mültezim-i mezbûr el-Hâc İbrahim Ağa’nın ve mâlikâne sâhibi mûmâ-ileyh el-Hâc Abdullah Ağa’nın âmme-i da‘vâdan zimmetlerin ibrâ ve iskāt eyledik gerek mûmâ-ileyh el-Hâc Abdullah’dan ve gerek mültezimi el-Hâc İbrahim Ağa’dan cümlemiz râzı ve hoşnûdlarız dedikleri tescîl olunu[p] huzûr-ı âlîlerine i‘lâm olundu. Fî 12 L sene 1143.