Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 573 Hüküm no: 761 Orijinal metin no: [139b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ananya’nın kötü halinden dolayı mahalleden çıkarılması talebi Bâ-mühr-i hazret-i efendi. Ma‘rûz. İstanbul ebvâbından Fener kapısı dâhilinden Abdisubaşı Mahallesi ahâlîsinden İmâm Mustafa Efendi ve es-Seyyid Mustafa ve Ebûbekir ve Mehmed Odabaşı ve Hüseyin Çelebi ve İbrahim Çelebi ve Mustafa Çelebi ve diğer Mustafa Beşe ve Ahmed nâm kimesneler ile Baba Marfaya ve İsayi ve Penayot nâm zimmîler meclis-i şer‘de mahalle-i merkūmede icâre tarîkiyle sâkine olan Çömlekçi zevcesi demekle ma‘rûfe Ananya nâm Nasrâniye muvâcehesinde merkūme Ananya Nasrâniye kendi hâlinde olmayıp menziline nâ-mahrem olan kimesneyi alıp fâhişe avratlar cem‘ edip pûzevenklik etmekle birkaç def‘a mahallelerden ihrâc olunup ve hâlâ mahallemizde icâre tarîkiyle sâkine olmağla bir vechile kendisinden emîn değilleriz deyü muvâcehesinde sû-i hâlini haber ve diyâr-ı âhara nefy ve iclâ olunmak bâbında fermân-ı âlî iltimâs ederler ol bâbda re’y ve fermân hazret-i veliyyü’l-emrindir. Fî 12 Şevvâl sene 1143.