Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 577 Hüküm no: 771 Orijinal metin no: [140b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi için el-Hâc Yusuf’a tenbih olunduğu Ma‘rûz. Sâhib-i arzuhâl Yağlıkçı İbrahim meclis-i şer‘de el-Hâc Yusuf mahzarında mezbûr el-Hâc Yusuf’un zevcesi Havvâ Hatun zimmetinde Yağlıkçı metâ‘ı semenlerinden ba‘de külli hesâb kırk bir guruş hakkım olmağla meblağ-ı mezbûra tarafeynden bi’l-emr ve’l-kabûl mezbûr el-Hâc Yusuf kefîl olmağla meblağ-ı mezbûru mezbûr el-Hâc Yusuf’dan bi-hükmi’l-kefâle taleb ederim deyü da‘vâ eyledikde ol dahi ber-vech-i muharrer kefîl olduğunu ikrâr u i‘tirâf etmeğin mûcebince meblağ-ı mezbûr kırk bir guruşu müdde‘î-i mezbûra edâ ve teslîme mezbûr el-Hâc Yusuf’a tenbîh olunduğu huzûr-ı âlîlerine i‘lâm olundu. Fî 22 L sene 1143.