Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 577 Hüküm no: 772 Orijinal metin no: [141a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ordu masrafı için aşçı esnafından toplanan paranın yeni kethüdaya teslim edildiği Ma‘rûz. Ashâb-ı arzuhâl aşçı hırfetinin sâbıkā kethüdâları Seyyid Mustafa yediyle bâ-fermân-ı âlî Ordu-yı hümâyûn mesârifi’çün hırfet-i mezkûreden ve yamaklarından cem‘ ve tahsîl olunan bin beş yüz guruşun hâlâ kethüdâları Molla Osman ve erbâmından cemm-i gafîr Müslimîn ve cem‘-i kesîr ehl-i zimmet beynlerinde bi’t-terâzî infâk ve ittihâdlarıyla hesâbları görüldükde ba‘de ihrâci’l-mesârif meblağ-ı mezbûrdan merkūm es-Seyyid Mustafa yedinde bâkī kalan dört yüz guruş kethüdâ-yı mezbûr Molla Osman yedinde bi-tarîkı’l-emâne def‘ ve teslîm olunduğu huzûr-ı âlîlerine i‘lâm olundu. Fî 24 Şa‘bân sene 1143.