Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 578 Hüküm no: 773 Orijinal metin no: [141a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Ahmed Ağa’nın açtığı davadan vazgeçtiği Ma‘rûz. Muhzır Ahmed kulları mübâşeretiyle ihzâr-ı şer‘ olunan na‘lburlar kethüdâsı el-Hâc Abdurrahman’dan hasmı Kettânî el-Hâc Ahmed Ağa meclis-i şer‘de gāib ani’l-meclis Çukadâr İbrahim Ağa bundan akdem yedinde mülkü olan otuz altı kantar otuz sekiz lodra demirini on altı bin üç yüz akçeye mezbûr el-Hâc Abdurrahman’a bey‘ ve teslîm ve semeni olan meblağ-ı mezbûr ile üçümüz bir mahalde olduğumuz hâlde beni mezbûr Abdurrahman Ağa üzerine havâle-i şer‘iyye ile havâle eylediklerinde her birimiz havâle-i mezbûreyi ba‘de’l-kabûl semen-i mezbûru taleb ve da‘vâ ve ahz u kabz ve bana îsâle tarafımdan vekîl eylediğim Çukadâr Mustafa Ağa vefât etmekle meblağ-ı mezbûru merkūm el-Hâc Abdurrahman Ağa’dan taleb ve da‘vâya tasaddî etmişidim el-hâletü hâzihî mezbûr el-Hâc Abdurrahman Ağa meblağ-ı mezbûru vekîlim mezbûr Çukadâr Mustafa Ağa’ya hayâtında tamamen edâ ve teslîm eylediği ta‘yînen ma‘lûmum olmağın da‘vâ-yı mezkûremden fâriğ ve husûs-ı mezkûra müte‘allika âmme-i da‘vâdan mezbûr el-Hâc Abdurrahman Ağa’yı ibrâ-i âm ile ibrâ ve iskāt eyledim dediği Bâb Mahkemesi’nde tescîl ve bi’l-iltimâs huzûr-ı âlîlerine i‘lâm olundu. Fî 20 Şevvâl sene 1143.