Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 578 Hüküm no: 774 Orijinal metin no: [141a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kastamonu’nun Geymene nahiyesindeki hânın tamiri talebi Ma‘rûz. Kastamonu sancağında Mergüze kazâsına tâbi‘ Geymene nâhiyesinde Hamuk Hânı demekle ma‘rûf hân dağ içinde olup kırk elli seneden berü sâhibi olmayıp hâlâ harâb ve mu‘attal idiğini zikrolunan Geymene ahâlîsinden olup İstanbul’da müsâfiren sâkin İmâm Receb Efendi b. Mustafa ve Mehmed b. Mehmed ve Ali b. Mehmed ve Hüseyin b. Mustafa ve Ali b. Mustafa ve İbrahim b. Mehmed nâm kimesneler ihbâr etmeleriyle nâhiye-i mezkûre ahâlîsinden sâhibe-i arzuhâl Hadice Hatun ebnâ-yı sebîl için kendi mâlıyla hân-ı mezkûru ta‘mîr murâd etmeğin bî-vech âhardan mümâna‘at olunmamak bâbında emr-i âlîşân iltimâs eylediği huzûr-ı âlîlerine i‘lâm olundu. Fî 25 L sene 1143.