Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 579 Hüküm no: 776 Orijinal metin no: [141b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Vilâyet-i Anadolu’da Bolu sancağında Akçaşehir kazâsına tâbi‘ Emirler nâm karyeden Hasan Efendi ve Kirameddin karyesinden Fazlullah nâm kimesneler meclis-i şer‘de Bolu Voyvodası Yusuf Ağa tarafından sâbitü’l-vekâle vekîli Hasan mahzarında târih-i i‘lâmdan sekiz sene mukaddem müvekkil-i mûmâ-ileyh Yusuf Ağa bi-gayr-ı hakkın yüz yirmişer guruşdan cem‘an iki yüz kırk guruşumuzu ahz u kabz etmişidi deyü meblağ-ı mecmû‘-ı mezkûru taleb [ve] da‘vâ eylediğimizde vesâtet-i muslihîn ile her birimiz on beşer guruşdan cem‘an otuz guruş bedel-i makbûza an-inkâr musâlaha eylediğimizden sonra mâ‘adâya müte‘allika âmme-i da‘vâdan müvekkil-i mûmâ-ileyh ile şerîki İbrahim Paşa’nın zimmetlerini ibrâ ve iskāt eyledik dedikleri Bâb Mahkemesi’nde ba‘de’t-tescîl bi’l-iltimâs huzûr-ı âlîlerine i‘lâm olundu. Bâkī emr men-lehü’l-emrindir. Fî 23 min-Şevvâl sene 1143.