Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 580 Hüküm no: 781 Orijinal metin no: [141b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi için Mustafa’ya tenbih olunduğu Ma‘rûz. Muhzır Abdullah mübâşeretiyle Bâb Mahkemesi’ne ihzâr olunan Mustafa’nın hasmı Ali meclis-i şer‘de târih-i i‘lâmdan bir ay mukaddem beynimizde ma‘lûm câriye ve tüfenk semenlerinden yüz on beş guruş hakkım olmağla meblağ-ı mezkûrun on beş guruşunu def‘aten edâ ve yüz guruşunu doksan gün tamamına değin bi’t-terâzî te’cîl eylediğimde ol dahi ba‘de’l-kabûl meblağ-ı mezbûr on beş guruşu taleb eder[im] deyü da‘vâ eylediğimde ol dahi ikrâr u i‘tirâf etmeğin mûcebince meblağ-ı mezbûr on beş guruşu def‘aten ve yüz guruşu ecl-i mezkûr hulûlünde müdde‘î-i mezbûra teslîme mezbûr Mustafa’ya tenbîh olunduğu bi’l-iltimâs huzûr-ı âlîlerine i‘lâm olundu. Bâkī emr men-lehü’l-emrindir. Fî 2 min-Zilka‘de sene 1143.