Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 581 Hüküm no: 782 Orijinal metin no: [141b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Anadolu’da Bolu sancağında vâki‘ Çarşamba kazâsı ahâlîsinden olup kasaba-i Fındıklı’da müsâfiren sâkin Ahmed Beşe nâm kimesne meclis-i şer‘de livâ-i mezbûre hâssı voyvodası Yusuf Ağa tarafından sâbitü’l-vekâle vekîl-i müsecceli Hasan mahzarında târih-i i‘lâmdan on beş sene mukaddem müvekkil-i mezbûr Yusuf Ağa bir mevâd isnâdıyla bi-gayr-ı hakkın mâlımdan üç bin guruşumu ahz u kabz etmekle meblağ-ı mezbûru mü[v]ekkil-i merkūmdan ba‘de’d-da‘vâ ve’l-inkâr tavassut-ı muslihîn ile an-inkâr iki yüz on guruş bedel-i medfû‘-ı makbûza sulh ve mâ‘adâya müte‘allika âmme-i da‘vâdan müvekkil-i merkūm Yusuf Ağa ile hass-ı mezkûrda şerîki İbrahim Paşa’nın zimmetlerini ibrâ-i âm ile ibrâ ve iskāt eyledim deyü takrîri Bâb Mahkemesi’nde tescîl ve huzûr-ı âlîlerine i‘lâm olundu. Fî 27 Şevvâl sene 1143.