Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 586 Hüküm no: 794 Orijinal metin no: [143a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duaguy ve eczahanlık vazifeleriyle Seyyid Ali’nin bir alakası olmadığı Ma‘rûz. Arzuhâl eden Şeyh Mehmed derûn-ı arzuhâlde ismi mastûr Seyyid Ali ile murâfa‘a-i şer‘ olduklarında mezbûr Şeyh Mehmed’in yedinde olan senedât-ı mu‘teberât mantûkunca mezbûr Seyyid Ali’nin iddi‘â eylediği Musul’da vâki‘ ulemâ ve sâdât-ı kirâma meşrûta vakfından boyahâne mahsûlünden mutasarrıf olduğu yevmî on akçe du‘âgûy vazîfesinde ve yine Musul’da Şeyh Fethullah Musulî Vakfı’ndan mutasarrıf olduğu bir akçe eczâ-hânlık ve bir akçe hâdim vazîfelerinde mezbûr Seyyid Ali’nin kat‘â alâka ve medhali olmadığı lede’ş-şer‘i’l-enver zâhir ve mütehakkık olmağla mezbûr Seyyid Ali mu‘ârazadan men‘ olunduğu huzûru âlîlerine i‘lâm olundu. Fî 7 min-Zilka‘de sene [1]143.