Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 587 Hüküm no: 797 Orijinal metin no: [143b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karamürsel kazasından Abbas’ın İsmail b. Halil üzerine açtığı bağ davasından men olunduğu Ma‘rûz. Sâhib-i arzuhâl Abbas meclis-i şer‘de Karamürsel kazâsında vâki‘ derûn-ı arzuhâlde mezkûr Sulubağ demekle arîf bağa vâzı‘u’l-yed olan İsmail b. Halil mahzarında zikrolunan bağ yedimde mülküm iken mezbûr İsmail bi-gayr-ı hakkın vaz‘-ı yed etmekle taleb ederim deyü da‘vâ mezbûr İsmail cevâbında bağ-ı mezkûr babam mezbûr Halil’in hayâtında yedinde mülkü olup ba‘de vefâtihi bana intikāl etmekle otuz seneden berü yedimde mülkümüz olmağın hattâ müdde‘î-i mezbûra bundan akdem bağ-ı mezkûru iki def‘a da‘vâ eyledikde bilâ-özr-i [şer‘î] sinîn-i mezkûre terk olunan da‘vânın istimâ‘ı bilâ-emr-i sultânî memnû‘ olmağla bî-vech mu‘ârazadan men‘ olunmuş idi deyü def‘ ve takrîrine muvâfık hüccet ibrâz ve mazmûnunu mezbûr Abbas ikrâr u i‘tirâf etmeğin mûcebince mezbûr Abbas bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 8 min-Zilka‘de sene 1143.