Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 587 Hüküm no: 799 Orijinal metin no: [143b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zimmet ibrası ve nafaka bağlanması Ma‘rûz. Sâhibe-i arzuhâl Ananya Nasrâniye ba‘de’t-ta‘rîfi’ş-şer‘î meclis-i şer‘de zevc-i mutallıkı Hekîm Sogodoş zimmî ile bin akçe mehr ve cihet-i karzdan seksen guruş da‘vâsından ba‘de’n-nizâ‘ muslihûn tavassutuyla otuz beş guruş bedel-i makbûza sulh olup hukūk-ı zevciyyete ve meblağ-ı mezbûrun mâ‘adâsına müte‘allika âmme-i da‘vâdan birbirlerini ibrâ ve iskāt eylediklerinden sonra mesfûr Hekîm’in firâşından hâsıla ve mezbûreden mütevellide Maryora nâm sagīrenin nafaka ve kisve ve sâir levâzım-ı zarûriyyesi’çün bi’t-terâzî târih-i i‘lâmdan yevm[î] dört para takdîr ve istidâneye kıbel-i şer‘den mezbûre Ananya’ya izin verildiği tescîl ve huzûr-ı âlîlerine i‘lâm olundu. Fî 9 Zilka‘de sene 1143.