Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 588 Hüküm no: 800 Orijinal metin no: [143b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ortaklıktan ayrılan Salih ve Nikola’nın zimmet ibrası Ma‘rûz. Sâhib-i arzuhâl Bakkāl Salih şerîki Nikola zimmî ile derûn-ı arzuhâlde mezkûr bakkal dükkânında olan akd-i şirketi ba‘de’l-fesh pazarbaşıları Mehmed Çelebi ve esnâfdan mazbûtü’l-esâmî kimesneler ma‘rifetiyle hesâb ve kitâbları görüldükden sonra mesfûr Nikola merkūm Salih yedinden yirmi dokuz bin akçe kabz ve tesellüm edip dükkân-ı mezbûrede olan âlâtı ve sâir eşyâdan hissesini mezbûr Salih’e bey‘ ve âmme-i da‘vâdan her biri âharın zimmetini ibrâ ve iskāt eyledikleri ba‘de’t-tescîl huzûr-ı âlîlerine i‘lâm olundu. Fî 8 min-Zilka‘de sene 1143.