Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 588 Hüküm no: 801 Orijinal metin no: [143b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen sığır kasabı Kalef v. Yasef Yahûdi’nin dükkanlarının tasarrufunu alan Kemel v. Harun’a engel olunmaması için emr-i âlî talebi Ma‘rûz. Yahud tâifesinin sığır kasablarından olup bâ-fermân-ı âlî bir hisse ve Unkapanı kurbünde bir bâb ve Ayvansaray’da dibek karşısında ve Tekfur Sarayı kurbünde bir bâb ve Balat kapısı hâricinde bir bâb ve mahâll-i mezkûrda Na‘lçacı yanında bir bâb cem‘an beş bâb dükkâna mu‘tâd-ı kadîm üzere mutasarrıf olan Kalef v. Yasef Yahûdi [144a] hâlik olup mutasarrıf olduğu hisse-i mezkûre mahlûle olmağın yine kasab tâifesinden Kemel v. Harun nâm Yahûdi mahal ve müstahik idiği kasablar kethüdâsı İsmail meclis-i şer‘de ba‘de’l-ihbâr tasarrufi’çün cânib-i vakfdan mezbûr Yahûdi yedine temessük verilmekle zikrolunan hisse ve dükkânları ber-vech-i muharrer ber-mûceb-i temessük merkūm Yahûdi zabt ve tasarruf edip âhardan müdâhale olunmamak bâbında emr-i âlî iltimâs eylediği huzûr-ı âlîlerine i‘lâm olundu. Fî 6 Zilka‘de sene 1143.