Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 589 Hüküm no: 805 Orijinal metin no: [144a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcun ödenmesi için Molla Ahmed’e tenbih olunduğu Ma‘rûz. Çukadâr Abdullah mübâşeretiyle Bâb Mahkemesi’ne ihzâr-ı şer‘ olunan Molla Ahmed’in hasmı Derviş meclis-i şer‘de bundan akdem gāib ani’l-beled Mehmed nâm kimesnenin mâlikâne berâtını ihrâc ettirivermek için mâlımdan mezbûr Molla Ahmed’e yüz guruş def‘ ve teslîm eylediğimde mezbûr Molla Ahmed zikrolunan berâtı ihrâc ettirmemekle meblağ-ı mezbûrun yetmiş guruşunu bana geri red ve teslîm edip otuz guruşum zimmetinde bâkī kalmağla taleb ederim deyü ba‘de’d-da‘vâ ve’l-inkâr müdde‘î-i mezbûr Derviş ber-vech-i meşrûh müdde‘âsını şuhûd-ı udûl ile mezbûr Molla Ahmed muvâcehesinde vech-i şer‘î üzere isbât etmeğin mûcebince meblağ-ı bâkī-i mezbûr otuz guruşu müdde‘î-i merkūma edâ ve teslîme mezbûr Molla Ahmed’e tenbîh olunduğu huzûr-ı âlîlerine i‘lâm olundu. Fî 12 Zilka‘de sene [1]143.