Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 590 Hüküm no: 806 Orijinal metin no: [144a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yangından dolayı evi yıktırılan Hasan’ın davasının meşru olmadığı Ma‘rûz. Sâhib-i arzuhâl Hasan meclis-i şer‘den hâlâ Rum Patriği Paisios tarafından sâbitü’l-vekâle vekîli olan Yanaki nâm râhib ile terâfu‘larında bundan akdem vâki‘ olan harîkden Rum kenîsesin tahlîs için Abdisubaşı Mahallesi’nde vâki‘ mülk menzilimi mesfûr patrik yeniçerilere hedmettirip ta‘mîrine ta‘ahhüd etmekle mücerred va‘d-ı mezkûruna binâen menzil-i mezkûru ta‘mîr etmek üzere vekîl-i mezbûra tenbîh murâd ederim deyü tasaddî eylediği da‘vâsı meşrû‘a olmamağla mezbûr Hasan bî-vech mu‘ârazadan men‘ olunduğu Bâb Mahkemesi’nde tescîl ve mübâşirleri çavuş ( ) kulları iltimâsıyla huzûr-ı âlîlerine i‘lâm olundu. Fî 14 min-Zilka‘de sene 1143.