Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 590 Hüküm no: 807 Orijinal metin no: [144b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödenmesi için Galata voyvodası Mustafa Ağa’ya tenbih olunduğu Ma‘rûz. Rüesâ tâifesinden Hüseyin Reis b. el-Hâc Ahmed sâbıkā Trabzon anbar emîni olup hâlâ Galata voyvodası Mustafa Ağa mahzarında merkūm Mustafa Ağa Trabzon’da anbar emîni olduğu hâlde sefînem ile Trabzon’a îsâl eylediğim ma‘lûmü’l-keyl hınta ve şa‘îri tamamen kendiye teslîm edip yedime edâ tezkiresi dahi verdikden sonra kabzını ikrâr mâ‘adâyı inkâr eylediğinden gayrı medfû‘u olan doksan guruş da‘vâsından dahi zimmetimi ibrâ ve iskāt eylemişidi deyü def‘le mukābele ve def‘i isbâta havâle olundukda yirmi gün tamamına değin istimhâl etmekle mehl verilmişidi hâlâ yirmi beş günü tecâvüz edip ikāmet-i beyyineden izhâr-ı acz edip yemîn dahi vermemeğin meblağ-ı mezkûr doksan guruşu müdde‘î-i mezbûr[a] red ve teslîme mezbûr Mustafa Ağa’ya tenbîh olunup merkūm Hüseyin Reis ziyâde müdde‘âsını isbâta havâle olunmuşdur. Fî 14 min-Zilka‘de sene 1143.