Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 591 Hüküm no: 809 Orijinal metin no: [144b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi için Panayot’a tenbih olunduğu Ma‘rûz. Sâhib-i arzuhâl Hristo zimmî meclis-i şer‘de hasmı Panayot nâm zimmî muvâcehesinde mezbûr Pana[yo]t Küçükpazar’da vâki‘ mutasarrıf olduğu bakkal dükkânında mevcûd eşyâ-i ma‘lûmesini iki sene mukaddem yüz guruş semen-i medfû‘ ve makbûza bana bey‘ ben dahi ba‘de’l-iştirâ eşyâ-i mezkûreyi bana teslîm etmemekle semen-i mezbûr yüz guruşu taleb ederim deyü da‘vâ eyledikde mezbûr Penayot ba‘de’l-ikrâr semen-i mezbûrun otuz guruşunu edâ ve teslîm etmişidim ancak zimmetimde yetmiş guruş deyni olduğunu ikrâr edip mezbûr Hristo inkâr etmeğin def‘-i mezkûru olan otuz guruşu beyâna havâle ikrâr-ı mertebesi olan yetmiş guruşu müdde‘î-i mezbûra edâya merkūm Penayot’a tenbîh olunduğu huzûr-ı âlîlerine i‘lâm olundu. Fî 16 min-Zilka‘de sene [1]143.