Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 155 Hüküm no: 136 Orijinal metin no: [35a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ananya bt. Nikola’nın küçük çocuğu için boşandığı kocası Hekîm Sifodoş’dan nafaka talebi Mahrûse-i Galata kazâsına tâbi‘ Beyoğlu mahallesi sâkinelerinden bâ‘isü hâze’l-vesîka Ananya bt. Nikola nâm Nasrâniye meclis-i şer‘-i şerîf-i enverde zevc-i mutallıkı Hekîm Sifodoş v. Arakil zimmî muvâcehesinde ikrâr ve takrîr-i kelâm edip mezbûrun firâşından hâsıla ve benden mütevellide bi-hakkı’l-hıdâne hacr ve terbiyemde olan işbu Maryoya nâm sagīrin mâlı olmamağla nafaka ve kisve vesâir levâzım-ı zarûriyesiʼçün babası mezbûr Hekîm Sifodoş üzerine kıbel-i şer‘den kadr-ı kifâye akçe farz ve takdîr olunması matlûbumdur dedikde gıbbe’t-tasdîkı’ş-şer‘î hâkim-i muvakkı‘-ı sadr-ı kitâb tûbâ-leh ve hüsnü-meâb hazretleri sagīre-i mezbûrenin nafaka ve kisve vesâir levâzım-ı zarûriyesiʼçün bi’t-terâzî târih-i kitâbdan külle yevm on iki akçe farz ve takdîr buyurup meblağ-ı mefrûz-ı mezkûru sagīre-i mezbûrenin nafaka ve kisve vesâir levâzım-ı mühimmesiʼçün harc ve sarfa ve lede’l-iktizâ istidâneye ve inde’z-zafer babası mezbûr Hekîm Sifodoş zimmî üzerine rücû‘a merkūm Ananya Nasrâniyeye izin vermeğin mâ vaka‘a bi’t-taleb ketb olundu. Fî 10 min-Za sene 1143