Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 193 Hüküm no: 313 Orijinal metin no: [44a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Ali’nin evini Hasan Kehüdâ b. Abdülmennân’a sattığı Mehmed b. Ali meclis-i şer‘-i şerîfe gelip işbu akdin kendisinden sudûruna kadar mâliki olduğu ve taht-ı tasarrufunda bulundurduğu Dârü’s-saltanati’s-seniyye-i mahmiye-i Kostantıniyye mahallâtından Nurlu Dede mahallesinde vâki‘ olup iki hâneyi, kileri, kasrı, su kuyusunu ve muhavvatayı müştemil, cenûben Esirci Kara Ali mülkü, garben umdetü erbâbi’ş-şerefi’s-şâmih zübdetü eshâbi’l-mecdi’r-râsih Defterdâr Ahmed Çelebi mülkü, tarafeynden de tarîk-ı âm ile mahdûd cemî‘ menzilini cümle hudûdu ve kâffe-i hukukuyla râyicü’l-vakt on iki bin beş yüz akçe semen-i mu‘ayyen-i makbûz ile hâmil-i hâze’l-kitâb kıdvetü’l-emâsil ve’l-akrân zübdetü’l-ekâbir ve’l-a‘yân Hasan Kehüdâ b. Abdülmennân’a bey‘ eylediğini ikrâr etti. Vâki‘ ikrâr müşterî-yi mezbûr tarafından vicâhen ve şifâhen tasdîk edildi. Cerâ zâlike ve hurrire fî 16 Cumâdelâhire sene 965 Şuhûdü’l-hâl: Yahya b. Hüseyin el-müezzin, el-Hâc Halife el-müezzin Mehmed b. Abdullah, Ahmed b. Abdullah, Yunus Bey b. Abdullah, Üstad b. Hasan