Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 195 Hüküm no: 318 Orijinal metin no: [44b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Yusuf b. Abdullah’ın vârisinin kardeşi Mustafa b. Abdullah olduğu Habib b. Haydar ve Budak b. Gevherî nâm kimseler defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Mustafa b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, bundan akdem mahmiye-i mezbûrede matbah-ı âmirede fevt olan ve terekesi Beytülmâl-i mezkûr tarafından zabt edilen Yusuf b. Abdullah’ın usûbet-i nesebiyye cihetiyle vârisidir. Şu cihetle ki, müdde‘î-yi mezkûr, müteveffâ-yı mastûrun ana-baba bir kardeşidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim şehâdetleri mûcebince hükmetti. Bu hüküm günün kasaba-i mezkûre kādısı Mevlânâ el-Hâc Muhyiddin kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 23 Cumâdelâhire sene 965 Şuhûdü’l-hâl: Hüseyin b. Hızır, İlyas b. Abdullah