Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 201 Hüküm no: 330 Orijinal metin no: [46b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçenin Ayşe ve Râbia’nın olduğu Mahmud b. ( ) nâm sagīrin vasîsi Nesli bt. Mehmed kıbelinden husûs-i âti’z-zikre vekâleti Pîrî b. Nasuh ve Hüsrev b. Abdullah’ın şehâdetleri ile sâbit olan Hüseyin b. Hasan ve ilâveten Fâtma bt. Mehmed kıbelinden husûs-i âti’z-zikre vekâleti şâhideyn-i mezkûreynin şehâdetleri ile sâbit olan İbrahim b. Mehmed şöyle ikrâr eylediler ki, kazâ-yı havâss-ı mahmiye-i Kostantıniyye tevâbi‘inden Arab Köyü karyesi kurbünde vâki‘, eşcâr-ı müsmire ve gayr-ı müsmireli, binâ zirâ‘ıyla yetmiş dört zirâ‘ uzunu, yirmi dört buçuk zirâ‘ eni olan, deniz sâhili ile, târik-ı âm ile, Bayezid b. Mehmed mülkü ile ve müvekkileteyn-i mezbûreteyn mülkü ile ve sagīr-i mezbûr mülkü ile mahdûd bulunan bahçe Râbia ve Âişe bintey Hasan’ın mülk-i mahzı ve hakk-ı sırfıdır. Müvekkileteyn-i mezbûreteynin ve sagīr-i mesfûrun bi-vechin mine’l-vücûh ve sebebin mine’l-esbâb orada hakkı yoktur. Müvekkileteyn-i mezbûreteyn kıbelinden kaziyye-i mahkiyyeyi tasdîka vekâleti Hasan b. Abdullah ve Ali b. Abdullah’ın şehâdetleri ile sâbit olan Mustafa b. Ahmed vâki‘ ikrârı bi’l-müvâcehe tasdîk etti. Fi’l-mezbûr Şuhûdü’l-hâl: Şuhûd a‘lâhu