Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 209 Hüküm no: 349 Orijinal metin no: [49a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hümâ bt. Hasan Bey’in evini Mustafa Bey b. Abdullah’a sattığı Zevcesi Hümâ bt. Hasan Bey kıbelinden âti’z-zikr bey‘a ve kabz-ı semene vekâleti Mustafa [b.] İshak ve Hızır b. Mustafa’nın şehâdeti ile sâbit olan Mehmed Bey b. Abdullah nâm sarrâc meclis-i şer‘-i şerîfe gelip şöyle ikrâr eyledi ki, müvekkile-i mezbûresi işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahmiye-i Kostantıniyye mahallâtından Hoşkadem mahallesinde vâki‘, dâhilî ve hâricî muhavvatalı, muhavvata-i dâhiliyesi üç tahtânî hâneyi, üç sofayı, cüneyneyi, müvekkile-i mezkûre ile Şücâ‘ Bey b. Abdullah ile müşterek su kuyusunu müştemildir, muhavvata-i hâriciyesi ise üzerinde oda, altında ahır bulunan bir odayı, üzerinde mahzen olan ahırı, helâyı müştemildir, tarafeynden Şücâ‘ Bey b. Abdullah mülkü, bir tarafından Süleyman Bey b. Abdullah mülkü ve bir tarafından da tarîk-ı âm ile mahdûd cemî‘ menzilini cümle hudûdu ve kâffe-i hukukuyla râyicü’l-vakt otuz üç bin akçe semen-i mu‘ayyen-i makbuz ile hâmil-i hâze’l-kitâb Mustafa Bey b. Abdullah’a bey‘ eyledi. O da iştirâ eyledi. Vâki‘ ikrâr, müşterî-yi mezbûr tarafından bi’l-müvâcehe tasdîk edildi. Şuhûdü’l-hâl: Pîrî b. Mehmed el-imâm, Seyyid Mehmed b. Seyyid Hızır, Yusuf b. Bayezid, el-Hâc Ayas b. Abdullah, Pervâne b. Abdullah, Muslihuddin b. Ali, Hızır b. Abdullah, Hasan b. Abdullah