Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 216 Hüküm no: 366 Orijinal metin no: [51a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Cafer b. Abdullah’ın vasiyeti Mevlânâ Ali b. Mehmed el-imâm ve Sinan b. Abdullah el-müezzin nâm kimseler defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, mahmiye-i mezbûre mahallâtından Dülbentçi mahallesinde fevt olan ve muhallefâtı Beytülmâl-i mezbûr tarafından zabt edilen Cafer b. Abdullah kıbelinden vesâyeti, şâhideyn-i mezkûreynin şehâdetleri ile sâbit olan vasiyy-i muhtâr Hızır b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müteveffâ-yı mezbûr hâl-i hayâtında sülüs-i mâlından ayırarak fukarâya öldüğü gün üç bin akçe, bâkiye meblağın vefâtından bir sene sonraki kırkıncı günde ta‘âma sarf edilmek üzere cem‘an beş bin akçe vasiyet etti. O da vesâyet-i mezbûreyi kabûl edip hizmet-i lâzimeyi iltizâm eyledi. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Şuhûdü’l-hâl: Lütfi Bey b. Abdullah ve Hızır b. Mustafa