Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 221 Hüküm no: 377 Orijinal metin no: [52b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şâhdîdâr bt. Abdullah’ın evini Nefîse bt. Şeyh Mehmed’e sattığı Şâhdîdâr bt. Abdullah nâm hatun meclis-i şer‘a hazıra olup işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahmiye-i Kostantıniyye mahalâtından Şeyh Mehmed mahallesinde vâki‘ olup tahtânî iki hâneyi, odayı, sofayı, mutfağı, fırını, su kuyusunu ve bahçeyi hâvî bulunan, tarafeynden Şeyh Mehmed b. el-Hâc Kaytas mülkü, bir tarafından merhûm Sultan Bayezid Hân aleyhi’r-rahmân ve’r-rıdvan mescidi, bir tarafından da tarîk-ı âm ile mahdûd cemî‘ menzilini cümle hudûdu ve kâffe-i hukuku ile râyicü’l-vakt on üç bin akçe semen-i mu‘ayyen-i makbûz ile hâmiletü hâze’l-kitâb Nefîse bt. Şeyh Mehmed’e bey‘ ettiğini ikrâr eyledi. O da iştirâ eyledi. Vâki‘ ikrâr, müşteriyye-i mezbûre kıbelinden kaziyye-i mahkiyyeyi tasdîka vekâleti Ahmed Çelebi b. Abbas ve Abdi b. Cafer’in şehâdeti ile sâbit olan Ahmed b. Sefer tarafından bi’l-müvâcehe tasdîk edildi. Cerâ zâlike ve hurrire fî 10 Receb sene 965 Şuhûdü’l-hâl: Cafer b. Abdullah, Haydar b. Abdullah, Mustafa b. Ali, Mehmed b. Seyfullah, İbrahim b. Mustafa