Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 239 Hüküm no: 418 Orijinal metin no: [57b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sol Ulûfeci Mustafa b. Ahmed’in Ramazan b. Süleyman ile arasındaki at davası Mahrûse-i Kostantiniyye’de sol kol ulûfecilerinden Mustafa b. Ahmed nâm kimesne Ramazan b. Süleymân nâm yeniçeri [yi] meclis-i şer‘-i şerîfe ihzâr ve üzerine takrîr-i da‘vâ kılup dedi ki, mezbûr yeniçeri Ramazan’a bundan akdem mahrûse-i Belgrad’da emânet tarîkiyle bir doru bârgîr at verdim. Kıymeti on beş sikke filori değer. Hâliyâ taleb ederüm demeğin gıbbe’s-su’âl mezbûr Ramazan dahî cevâb verip dedi ki, mezkûr Mustafa hısn-ı Belgrad’da benim bir atım çalup ortamızda küllî husûmet vâki‘ olduğunda araya muslihûn girüp benim çaldığı atımı ona ve onun zikr eylediği doru atını bana verdiler. Min külli’l-vücûh birbirimizin zimmetin cemî‘ de‘âvîden ibrâ eyledik dediğinde udûlden Ali b. Abdullah nâm yeniçeri ve Ahmed b. Abdullah nâm yeniçeri edâ-i şehâdet eylediklerinde sıhhat-i ibrâya hükm olunup mezkûr Mustafa şer‘an da‘vâdan men‘ olunduğu tescîl olundu. Şuhûdü’l-hâl: Sinan Efendi el-Müderris ve Mehmed Çelebi b. Süleyman el-Kâtib ve Yusuf b. Abdullah.