Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 250 Hüküm no: 444 Orijinal metin no: [61b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râziye bt. Ahmed’in, Donanma seferinde ölen ve terekesi Beytülmâl tarafından zabt edilen kocası Nebi b. Osman’ın vârisi olduğu ve ayrıca iki bin akçe alacağı bulunduğu Yahya b. Seyfi ve Sefer b. Mehmed nâm kimseler defterdârlar nezdindeki dîvân-ı âlîye gelip, emîn-i Beytülmâl ve kâtibi mahzarında, bundan akdem Donanma seferine giderken fevt olan ve muhallefâtı Beytülmâl-i mezbûr tarafından zabt edilen, azebler cemâ‘atinden Nebi b. Osman’ın zevcesi Râziye bt. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, verâseti müdde‘iye-i merkūmeye ve Ahmed, Mahmud ve Veli nâm evlâdına ve vâlidesine münhasır olan müteveffâ-yı mezbûrun zimmetinde iki bin akçe hakkı vardır. Şehâdeten sahîhaten şer‘iyyeten makbûleten ba‘de’t-tezkiyeti’ş-şer‘iyye ve ba‘de’l-yemîn hâkim şehâdetleri mûcebince hükmetti. Şuhûdü’l-hâl: Ahmed b. Mahmud, Halil İbrahim, Mehmed b. Ahmed