Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 253 Hüküm no: 451 Orijinal metin no: [62b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Ebubekir’in Sinanüddin Kirmastî Vakfı’ndan ödünç aldığı Merhûm Sinanüddin Kirmastî Vakfı’nda câbî olan Ahmed b. Ebubekir meclis-i şer‘a hâzır olup vakf-ı mezbûrun mütevellisi Ahmed Çelebi b. Mustafa ile yaptığı mu‘âmele-i şer‘iyye cihetinden zimmetinde vakf-ı mezkûra karz-ı şer‘î cihetinden dokuz bin dokuz yüz seksen akçe ve zeylde mastûr senenin şehr-i Muharreminden bir sene tamâmına müeccel, müşterâ-yı makbuz çuka bahasından dokuz yüz seksen dokuz akçe borcu olduğunu ikrâr etti. Vakf-ı mezbûrun diğer mütevellîsi Abdurrahman Çelebi b. Mehmed vâki‘ ikrârı tasdîk etti. Mahmiye-i Kostantıniyye mahallâtından Aşkî mahallesi sükkânından Hayreddin b. Abdullah ve Mehmed b. Hayreddin cemî‘ meblağ-ı mezbûra kefîl oldu. [Fî] evâhiri Şa‘bân Şuhûdü’l-hâl: Abdi Halife b. Habib, Mirza b. Üveys, Turak Halife En‘âm-hân